س سؤال ج جواب
هل يجوز الدنيا تبقي
زي ما يقول الكتاب
كل سكه امشيها بلقي
للحياة قلبين وناب
قلب بيحبك وعاجز
يحضنك رغم البراح
قلب بيذلك وعايز
يعدمك زى الصباح
أما ناب الدنيا لما
لم هم العمر عندي
ياللى لابس توب مناضل
ياللى عامل سعد افندى
كلنا هنكون جيفارا
لو جنابك تبقي غاندى
قالوا ان العمر لحظة
ملتقتش اللحظة ديا
نفسي اصدق ان عايش
بس مش عايش هفيه
نفسي خيري يبقي ليا
نفسي ناسي يحسوا بيا
نفسي فى مسرح حياتى
القي دوري يليق عليا
————
ضياء غنيم