حياتي اليوم صحيفة إلكترونية يومية
مهما أقول ومهما أكتب… برضه قليل الكلام
حق الخليج فوق الوصف… وفوق حروف وأقلام
أنا مصرية وبشهد… من غير زيف ولا ادعاء
إنتوا السند وقت الشدة… وإنتوا أول نداء
يا أرض السعودية يا مجد ساكن في التراب
يا هيبة بتفرض نفسها… حتى السكوت ليها جواب
فيك الحرمين نور ورحمة… وفيك الطهر واليقين
ومن نورك قامت قبلة… تهدي قلوب المسلمين
دي أرض اتباركت باسم النبي… وزادها الشرف مقام
اللي يقصدها مكسور… يرجع شامخ قدّام
فيها الرجولة عنوان… والعدل فيها ميزان
وكل خطوة فيها تاريخ… مكتوب بنور وإيمان
ويا الكويت يا حكاية طيبة ماشية على الأرض
يا قلب مفتوح للغريب… قبل القريب والفرض
أميركم عنوان إنسانية… يتكتب بحروف من نور
والخير عندكم مش كلمة… ده فعل دايم وحضور
تمدوا الإيد قبل السؤال… وتجبروا خاطر مكسور
واللي يقصد بابكم يوم… يرجع مرفوع ومجبور
يا بلد الكرم اللي سابق… كل وصف وكل كلام
فيكم الشهامة أصل ثابت… مش موقف ولا اهتمام
يا خليج يا دفى الدنيا… يا حضن وقت التعب
يا اللي وقفتوا جنب مصر… وقت الضيق من غير سبب
حبكم في القلب ثابت… مش يوم ولا كان صدفة
ده دين في رقبتنا ليكم… ومعروف عمره ما يتخفى
لو خيركم بحر… إحنا نشهد إنه مالوش شط
ولو حبكم نور… يكفي الدنيا لو اتخط
إنتوا العز اللي ما يهزش… مهما الدنيا تميل
وإنتوا الظهر اللي يتسند… لو حتى الكل يميل
مهما أوصف ومهما أكتب… برضه عاجز عن البيان
ده إنتوا تاج فوق الراس… ونور لكل مكان
يا زهرة الكون بجد… يا عز وفخر وزمان
حبنا ليكم وعد… ثابت مدى الأزمان
