من فينا ما تكلمش عن الحب .. بس بفكر فى معنى الحب بعمق شوية … هى كلمه مش بسيطه .. متتقالش كده وخلاص .. لازم تتحس .. وتطلع من قلبك … دى جواها كميه تفاصيل !!…
عارف يعنى ايه الاحتواء فى الحب … يعنى تستحمل حبيبك او حبيبتك بكل الكلاكيع ….يعنى تخلى نصك التانى يقولك كل اللي فى قلبه .. من غير تذويق فى الكلام… يعنى انك تملك الدنيا كلها ..مش هتبقى وحيد .. تحكى اللى جواك من غير خوف او قلق .. هتشوف قد ايه الحياة بسيطه….
بلاش الأنا تتحكم فيك .. وأدي اللى قدامك كل الحب … من غير ماتستنى المقابل .. أجمل ما فى الحب .. تفاصيله الكتير.. ياااااه لو حبيبك بيضحى علشانك .. يفكر بس ازاى يسعدك ..وانك أهم حاجه عنده فى الدنيا . هيبقى للحياة روح .. احتواء مشاعرك واحساسيك .. واحترامك فى غيابك .. لما تيجى تقرأ فى الكتب و الروايات عن الحب ..
الاحتواء هو أن اشعر بضمة يدك .. وارتمى فى احضنك .. وأخشى ان افارقك .. فهى قاسيه… "أحبك حتى الموت "..!
لو هتعرف تحتوى حبيبك او حببتك …. بتعرف تتفاهم وتنسجم مع عيوبه … يبقى أكيد بتحبه بجد …ومش بتحس بالوقت اللى بتقضوا مع بعض … يعنى لما تفكر فى التفاصيل … تبتسم .. يعنى لما تسمع أغنيه حلوة … يبقى واحشك وقلبك بيضحك … يعنى انت عايش تفاصيل الحب !