بتعدي من تحت البيت القديم بيت ستك وجدك اللى مبقوش موجودين.. انت عارف انهم اكيد في مكان احسن بكتير من اللى احنا فيه.. بس فراقهم لسه واجع قلبك.. كل يوم بتزيد على عكس ما الناس فاكرين انك هتنساهم فيومين او حتى بعد سنتين اتنين..
كانوا ديما مجمعين الشمل والضحكة معاهم كانت طالعة من القلب
الأيام في البيت ده كانت مختلفة تفرق عن ايامنا الى بقينا عيشنها
وكل حاجة وقتها كان فيها بركة
وكانت بتتجمع العيلة في الاسبوع مرة.. دلوقت بقت تمشى في الشارع تشوف قرايبك صدفة.. وبالكتير تعملوا سلام من بعيد.. وفي ناس منهم ممكن متسلمش عليك.. بقيتوا زى الأغراب.. دى حقيقة بالفعل
مش كتر كلام وتهويل
راحت اللمة والناس الحلوة وراحت معاهم الضحكة الحلوة بس لو الايام ترجع !
لكن مبترجعش!