حياتي اليوم صحيفة إلكترونية يومية
زى ما مطلوب مننا نكون إيجابيين متقبلين أى شئ إلى أقصى حد ممكن!
كمان علينا إننا نتعلم نرفض شيئ ما …
لأن لا معنى للحياة من غير ما يكون عندنا شئ أفضل من شئ …
وعلشان نهتم بشئ لازم نشوف قيمته
وعلشان نشوف قيمته لازم نرفض كل شئ ملوش قيمة فى الأمر ..
الرفض ده جزء من محافظتنا على قيمته
واللى هنختار نرفضه هو اللى هيحدد اللى بنحبه …
الرفض مهارة من مهارات الحياة …
مفيش حد بيتمنى إنه يستمر فى علاقة لا تجعله سعيداً ….
ومفيش حد بيقدر يكمل فى عمل بيكرهه ولا يؤمن بيه…
ولاحد بيستحمل شعور بأنه مش قادر يقول اللى بيفكر فيه …
ولكن الناس بتختار الأشياء دى طول الوقت لأنهم بيتجنبوا الرفض!
وبيخافوا يرفضوا لأن الرفض بيخليهم يحسوا بالسوء والفشل وبيحاولوا يظهروا أن حياتهم لا تعرف المعاناة
وده بيخلى حياتهم من غير قيمة ولا قيم ولا سعادة …!
لما تقبل حاجة أنت بترفضها من جواك علشان غيرك هو كده مش هيحبك أنت !
بالعكس أنت كده بتديله فرصة إنه يستغلك !
وكما قال ويل سميث….
(ولأنك خجلت من الرفض مرة، صار عليك فعلها كل مرة، البشر أستغلاليون تعلم ألا تستحى ….).
