ولساها الحياه ماشيه
ولساه الأمل موجود
مابين رحمه وبين آسيه
بندعى الواحد المعبود
يكون بكره أمل لينا
ويسعد كل ليالينا
وننسى حزن ماضينا
ولا تانى إلينا يعود
يابكره ياللى جاى قرب
وشكل عمرنا أفراح
ولملم فينا ما تغرب
وقربنا عشان نرتاح
نتقابل بلا أوجاع
نتسامح مع اللى باع
كفايه عمرنا اللى ضاع
وضيعنا معانا عهود
عشان بكره هنتصالح
وننسى الماضى ونسامح
نداوى غلطة إمبارح
وبينا الحب تانى يسود