البركه راحت من البشر والأرض
الـدنـيا لاهـيه بتلهـى أجـدع فـرد
راحت ليالى الخير راحت نـاسـها
وبقـيـنا بنعانى من الحـر ويالبرد
فيـن لمـا كنـا بـنـزرع الـزرعـه
تطـرح غيطان الحـب بالخيرات
دلوقتى زرعـتنا بالديون طالعه
قبـل مانزرع نحسـب الحسابات
راحت ليالى الطمـى فى المـايـه
وجـات سـنـيـن الـرى بالمبيدات
هـو اللى حـاصـل عندنا شـويـه
أمراض تـهـد الحـيل والعمارات
الـزرع طالع بين إيـديـنا سموم
سرطان مميت للأرض والإنسان
مهما تعيش بكره تموت مسموم
أمـراض كتـير والعمـر للنسيان
وبقينا نستورد من الدول قوتنا
وبقـيـنا كالـعـله بـقـلـب جـبـان
نبيع لروحنا الوهم ونشترى موتنا
وبنشكى ضيق الوقت والحرمان
هـو اللى ناقـص بس فى حياتنا
نزرع ضمير فى الأرض والغيطان
يطـلع ضمير يطـرح فى سكتـنا
والبركه ترجع تانى زى زمـان
الشاعر صابر عويس يكتب: بـركـة زمـــان!
عدد المشاهدات = 1551