بحبك وأموووت فيكي
ومهما طال العمر
حلفت لأموووت فيكي
دا الليل هيطرح فجر
مروي بنور عنيكي
والشمس توزع زهر
عبيره من عطر اديكي
بحبك تراب ونهر
ساكنين ف خير أراضيكي
بحبك في كل عصر
بحبك حبيبتي يا مصر
مهما نبحر والا نقبل
هي بلد واحدة لينا
مهما نسافر والا نفضل
مصر هتبقى غالية علينا
داحنا ولادها جوا عيونها
وهي الام الحانية علينا
لو غلطنا في حقها
السماح يبقي طبعها
بنحبها ونقولها
مهما بعدنا عنها
احنا ليها وهي لينا
برده هتبقى غالية علينا