حياتي اليوم صحيفة إلكترونية يومية
طبطبى شوية علينا
أمسحى دمعة عنينا
شيلى كل الحزن منا
رجـعـى الحـلـم ليـنا
***
إندهى على بكره ييجى
ينشـر الخــير والسـلام
مدى إيـدك لجل إيـدى
تنسـى وياكـى الخصام
خـلـى بـالك مـن الغلابـة
واللى فيكى عاشق صبابة
دى قلـوب عاشقة الطيابة
بتـنـاديـكى وتـنـاديـنـا
طـبـطـبـى شـوية عليـنا
***
هـاتى أفـراحـك وزيدى
مشـتاقـين يـوم للحنـان
إنـدهى إبنى وحفـيدى
خـلـى حـضنـك للأمان
بلـدى يـا أم الحضارة
الـغلابـه لـيـه حـيـارة
أصرخى قولى خسارة
دافعى عنا وأنصفـيـنا
طـبـطـبـى شـوية عليـنا
***
الغلابـة يا بلدى شعبك
اللـى يـتحدى الـزمـان
لـو يجوعوا لجل حبك
يعشـقوا الحرمان كمان
هما دول أنـصفيهـم
دول غلابة رجعيهـم
للحياة وتحسى بـيهـم
أوعى تمشى وتسيبيا
طـبـطـبـى شـوية عليـنا
