الخميس , 25 فبراير 2021
الرئيسية / نفسي / كبسولات مهدئة…(كتالوج الحب)…تكتبها رشا صيرة

كبسولات مهدئة…(كتالوج الحب)…تكتبها رشا صيرة

= 4643

حياتنا بتتحول فجأة من حال إلى حال لما بنفقد الحب ؛ احساس بأنك فقدت أكتر حاجة كانت بينك وبينها ألفة ؛ من غير ما يكون عندك اى فكرة هتعمل أيه بعدها ..!

لأنك عمرك ما فكرت فى مرة أنك هتفقد الحب ده أو الإنسان اللى كان بيمنحك الحب..

يبدأ عقلك يتملى بالأسئلة وقلبك بالألم وتبدأ تفكر أزاى هتقدر ترجع نفسك وروحك وتتحدى وجعك وأنت أصلاً لا تملك أى مقاومات تقويك

لا تملك غير الماضى والذكريات والأوقات المؤلمة اللى مريت بيها ؛؛

كنت عايش فاكر ان معانى الحب واحدة ؛ وأسلوب الحب كمان واحد؛ حتى الناس بعد فقدانهم للحب كل واحد هيتعاقب نفس العقاب !

لأنك ببساطة كان تصورك ان اى حب بتقابله لازم تاخده بالشكل اللى فى خيالك ، زى ما عقلك متعود عليه ومتوقعه؛ فلما ما توصلش لاى نتيجة عقلك تصورها تبدأ تلوم نفسك انك مش بتتحب بالشكل اللى انت بتتمناه وانك متستاهلش الحب !

أنت رسمت لنفسك أطار حب بناء على تصوراتك لمشاعرك بالعرض والطلب ؛؛؛ عرضت مشاعر كتير …وبدأت تطلب مشاعر زيها والنتيجة مشاعر خالفت توقعاتك !

كل شوية بتقدم حب وبتتوقع حب زيه وبتستغرب من الحب اللى بتلاقيه !

خلقت لنفسك كتالوج حب معين أنت اللى شوفت صوره وبس ! اى صورة مش بتلاقيها مطابقه ليه بتعتبرها تنازل ؛ واى حاجة بتقدمها بتعتبرها عطاء بدون مقابل !

علشان كده لازم تخرج من جوه الكتالوج ده ؛ وتحرر نفسك منه وتبدأ تشوف كتالوج تانى مش كل حاجة فيه مثالية ؛؛؛ كتالوج فيه عيوب لازم تشوفها علشان يا أما تقبلها أو ترفضها أو تتخطاها …

تشوف الدنيا بكتالوجات الآخرين …. هتقدر تقرب ليهم وتملى كتالوجك بصور حقيقية عنك وعنهم وهتقدر تحمى نفسك من أى ألم تانى …

“مش كل الصور اللى جوه الكتالوج وبنحبها ألوانها تليق على غيرنا ؛ لازم نشوف نفسنا أو غيرنا فيها صح!

شاهد أيضاً

كبسولات مهدئة…(أخطاء الحياة)…تكتبها رشا صيرة

عدد المشاهدات = 3262 أى إنسان معرض للوقوع فى الخطأ من وقت للتانى ،فى منها …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: