دايما نقول "أصحاب العقول فى راحة"واننا نفسنا نبقى مش بنفكر كتير..ولكن أغلبنا من عقله مش مرتاح بالعكس .. ان التفكير بيموت اذا مكنش بحساب .. مع صدمات ومشاكل اللى بنقابلها بنتعب من كتر التفكير..
التفكير فى كلمة وتصرف وحتى حكمنا على كلام الناس ..ونفضل نفكرهم يقصدوا ايه وعاوزين ايه مننا والموضوع بيقلب بتوتر نفسى وعصبى ..
كتر التفكير فى الأمور اللى مش مستاهلة بيولد عندنا الشك والخوف لازم ندى فرصة لنفسنا نهدى شوية ونبطل عادة التفكير فى كل حاجة.. ده هيأثر بالايجاب على صحتنا ونفسيتنا.. الحياة فعلا أبسط من كده بكتير ..
احنا اللى بنصعب الامور على نفسنا ..مش وحش اننا ناخد بالنا من تصرفاتنا ..بس الوحش اننا نتوه فى وسطة زحمة الخوف.. اصحاب كتر التفكير بيتعبوا نفسهم واللي حواليهم ..
حافظ على لذة الحياة.. مضيعش الأوقات الحلوة منك.. استمتع بكل لحظة .. اللحظة اللى بتروح مبترجعتش ..نعرف قيمة الحياة لما تخلص من عادة التفكير .. لو عايز هتقدر تعمل كده !