علاقات البشر هى لغات متعددة وبتأخد أكثر من شكل, والأغلب فى علاقات الحب انهم بيدوروا على لغة الاهتمام , فالحب نتيجة للاهتمام , لحظات الاهتمام بين الطرفين , بتفرق اوى فى حياتنا , بنبقى مش محتاجين حاجه تانية, كلمه واحده تكفى انها تعبرعن حبك , مابالك لو الشعور ده اتحول لفعل مش مجرد كلمة تعبرعن الاهتمام , بتحس انك لقيت الدنيا فى نظرة او كلمه من حبيبك , وانك مالك الدنيا فى ايدك, حاجتين ممكن يقتلوا الحب زيادة الاهتمام والاهمال..
لو فضلت تبذل مجهود انك تهتم بشريك حياتك , وهو مجرد بيستقبل منك بس "زى انك بتملى مياه فى خزان مكسور".
هيجى وقت وهتزهق وتمل , وانت بالنسبة له مجرد شئ ثانوى , لو حسسك باللامبالاة والأنانية , طبيعى حبك هيقل . .. الأنانية واللامبالاة من الأسباب اللى بتقتل الحب.
لو عشت دور اللي بيحافظ على الحياة معه عشان تستمر, وهو مش بيساهم فى استمرارية الحياة دى , فهى مسألة وقت والعلاقة دى هتفشل .
زى ما قلبك يقوم بدور فى علاقات الحب لازم عقلك يبقى ليه وجود , عشان متخسرش كل حاجة, لكن هتقابل شخص هيبقى مصدر السعادة فى حياتك , اللى يقويك , اللى يخاف على زعلك , مش هتخاف على قلبك معه , لأنك مطمن لشخص , كل اللى يهمه فى الحياة أنه ازاى يخليك مبسوط …
على عكس علاقات تانية , هى موجودة , فشلت لانها مينفعش تستمر وقت أطول , أنانية , مع زيادة اهتمام هتبوظ العلاقة كلها.
كل اللى عليك زى ما قلبك بيدق , لازم عقلك كمان يبقى شغال.. لو سلمت حد قلبك وعقلك .. مؤكد انك هتتألم من فقدان الشخص دا.