ليه الدنيا بقت كده ليه
ليه اقرب الناس بقت كده ليه
ليه بقت اهتماماتنا مظهر ولباقه وشياكه
ليه بنتعامل مع بعض بغرور وبتناكه
ليه بقت الفلوس اهم من النفوس
ليه عشانها ممكن على اى حد تدوس
ليه المصلحه بقت اهم من العيش والملح ومحدش بقى ليه ديه
ليه تقييم الناس بقى بماركه السجاير والفيلا والموبيل والعربيه
ليه مبقناش بنحب بعض ونخاف على بعض
ليه مبقاش حد عنده مانع عشان مصلحته حتى فى اخوه يعض
ليه بقى كل واحد همه نفسه ويحب الخير لنفسه بس وغيره لا
ليه منحبش الخير لبعض ونحب ونسامح حد ليه القلب فى يوم دق
ليه مبقاش الاب اب والام ام والاخ اخ والاخت اخت والصاحب صاحب والحبيب حبيب
ليه كل واحد مببأديش دوره بما يرضى الله ويخلى الدنيا الوحشه عننا تغيب
ليه بقى الاحترام مفقود
والثقه والامان مبقاش ليهم وجود
ليه لما تحب متتحبش ولما تتحب متحبش
وليه لما تحب وتتحب متسامحش ومتغفرش
ليه مبقاش حد بيستحمل حد
ليه محدش فكر ان كلنا ظروفنا الصعبه فاقت الحد
ليه بقينا ذى الحيوانات ماشيين فى الدنيا زى القطيع
ليه همنا الاكل والشرب والمصلحه ومش مشكله عشانهم اى شئ يضيع
ليه نضحى بالحب والعيله والدفا والاسره عشان حب الذات والمصلحه
ليه بقينا عايشين فى غابه وكل واحد مخبى ورا ضهره سكين كأننا ف مدبحه
ليه بقينا بعيد عن ربنا واخر حاجه بنفكر فيها ازاى نرضى ربنا
ليه بنقول بعد كده الدنيا هيا اللى جت علينا وقهرتنا غصب عننا
مع اننا احنا كده اللى جينا عليها يوم ما اغضبنا ربنا وفكرنا بس فى نفسنا