بموت فيك واعيش بيك
وكلي ملكك وملك اديك
وأنت قريب عمرك متغيب
دوبني أكتر اعشقني وكتر
غرقني ف حبك
خليني في ف دمك
بحضني بضمك
ولا قيمتي بانت غير وأنت على صدري نايم
وبيا هايم
حبك ليا نقطه ف حبي ليك
احساسك بيا نابع من احساسي بيك
وأنت غبت عليا عمري ما اغيب عليك
وأنت سبتني وحدي ف لياليه أسهر افكر فيك
متطلعش الشمس عليا إلا وأنت حضني
بعينك
مخبيني ف قلبك ماسكني باديك
أحلم واتمنى
يا اللي قلبي ليك غني
اؤمره حالا يلبيك
ده دقاته بتجري عليك
وحياته بين اديك
وان عاش يبقى ليك
يا اللي اديته من نبع حنانك
وحسسته ف حضنك بامانك
اطمن قلبي ده بيتك ومكانك
وروحي سكنتها وسكنتها فيك
عمري اللي فات مش محسوب
وأنت القدر والمكتوب
ومن رحمه ربنا بيا
خلاك تحبني وترجع ليا
بتخبيني جواك من خوفك عليا
تفديني وتغرقني ف الحنيه
تحميني وتغير عليا
حاسه بيك ولا عمرك هنت عليا
بنام وأنت صاحي تبوس فيا
وأنت غمضت عينك بتحلم بيا
بغير عليك
متشفش غيري عيشني بيك
عمري اللي فات مش محسوب عليا
لا قبلك ولا بعدك في الدنيا ديا
ده يوم ميلادي يوم ما شلت اسمك
وأجيب ولادي زيك نفس رسمك
اعذرني حبيبي محبتش غيرك وبحبك
وبحب ضعفي فيك وبحب شوقي ليك اؤمرني قبل ما تنادي البيك
صحيح انت كتير اوى عليا
بس انا هبقي قد المسئوليه
يا أغلى من العين والنن
بيك دائما هحس وليك اغني
يا ساكن جوايا
انت أملي ومنايا
مش دي كل الحكايه
لسه أيامنا جايه
وربنا جمعنا بالنصيب
ورباطه الحلال على سنه الحبيب
وكتابه المقدس يا حبيبي واغلي وارق حبي