حياتي اليوم صحيفة إلكترونية يومية
هتكتشف بعد فترة أن اللى كنت بتجرى وراه وهتموت عليه
وفاكر إنه هيحققلك رغباتك مش أحسن ولا أروع حاجة
وأنه بردو هيجيله وقت يبقى ممل وزى ما بدأ منور فى عينك
هيجيله وقت ينطفى جواك لأنك وصلت لكل حاجة فيه وفهمته …
الحياة مش عادلة دايما ولا قاسية على طول
المهم أنك تكون متصالح مع رغباتك وعارف إن محدش بيأخد حاجة كاملة
لأن أنت نفسك مش كامل !
عمرنا ما هنكسب كل حاجة
ولا هنضمن نتيجة إن كل حاجة تبقى زى ما كنا نتمنى …
ولأن الحياة رحلة بنغامر فيها
أوقات قبولنا بأنصاف الحلول فى مواقف كتير هو الأنسب أحياناً …
ولو اتصالحنا مع نفسنا ممكن نقبل اللى ما اختارناش نكون عليه
ونقبل حاجات على حساب حاجات تانية لو فكرنا اننا نحول خسارتنا لمكسب …
مش كل اللي بيحصلنا سيء ….
ولا كل اللى اختارناه حلو …!
