حياتي اليوم صحيفة إلكترونية يومية
–
رجعيلى بابا يا ماما !
كلمة قالها إبنى بعد سفر والده
فضلت أفكر فيها وأبص لعينيه اللى بتلمع من دموعه المحبوسة …ماعرفتش أرد عليه …حضنته …
أكيد هو قالها لانه كان حاسس بالأمان طول ما هو معاه …يصحى يحضنه ….ويلعب يحضنه ….وقبل ما ينام يحضنه ..
كلنا محتاجين الحضن فى كل وقت ..
مش بس عند الوداع وعند اللقاء ..
حتى لما بنزعل …لما بنغلط …لما بنخاف …بنحتاج نتحضن …
الحضن بيقوى المناعة…بيشحن الطاقة …
الحضن بيطبطب على قلوبنا …
جربوا تحضنوا اولادكم قبل ما يمشوا وكل ما يرجعوا
احضنوهم كتير، هتخلقوا نفوس سوية حتي لو كانت الحياة اللي هما فيها قاسية وصعبة …
الحضن أكثر الأماكن الضيقة أتساعاً ….!
