وفاة الطفل الثامن من أطفال بنى سويف ضحايا المحلول الفاسد
علمونا إزاى نعيش
رغم أنف المسئولين
حلمنا لبكره مفيش
واﻷمل لساه سجين
ذنب أطفالنا تموت
من صناعة الفساد
الغلابه ماليها صوت
يشتكوا لرب العباد
موتوا حلم الطفولة
جوه أعمارها البريئة
موتوهم وبسهولة
أنكروا حتى الحقيقة
آه ياشلة فاسدين
عندكم مليون طريقة
تقتلوا حتى الجنين
وتلومونا على الخطيئة
هيا أرواحنا تجاره
وﻻ أعمارنا بأديكم
الفساد أصبح شطاره
والجشع صوت بيناديكم
فين ضميركم يا أطبه
والقسم مصيره أيه
فى الشدايد نستخبه
والفساد نسكت عليه
علمونا أزاى نموت
من دواكم ياديابه
وإن صرخنا مالينا صوت
إطمنوا إحنا غلابه