تبعترنا السنين
وبحبك تلمى
تنسينا الأنين
وبحضنك تضمى
قلوب متجرحين
ونفوس متغربين
والراحه بس فين
من غيرك ياأمى
نشتاق للأمان
واللمه فى قربك
ويوحشنا الحنان
والطيبه من قلبك
بتاخدنا الأماكن
نتوه عنك ولكن
حبك بالقلب ساكن
وفى فرحى وهمى
تبعترنا السنين
وبحبك تلمى
رحمه والطاعه عندك
جنه للموعودين
لو دعوه واحده منك
تشفى القلب الحزين
ياضله ياسمانا
يابركه فى خطانا
ياضحكتنا ف بكانا
ياأم الخير ياأمى
تبعترنا السنين
وبحبك تلمى