حياتي اليوم صحيفة إلكترونية يومية
—
كل واحد جواه حكاية كبيرة…كل واخد فينا جواه مشاعر متلخبطة.. سواء حزن او فرح ماتخليش المظاهر تخدعك.. وتقول لا ده مش عنده مشاكل…ولا تقولي لا دي مش عندها هموم.
السوشيال ميديا خلتنا نشوف الصورة من برة.. لما نلاقي حد مبسوط او فرحان او ضحكته منورة نحسده…. ونقول ياااااااه… يابخته انت ماتعرفش جواه ايه… او شايل هموم آد ايه… ماتعرفش ممكن يكون ربنا واخد ايه منه… يمكن يكون بيداري آلامه وأحزانه… يمكن يكون من جواه حزن كبير بس بيخبيه عن عيون الناس بضحكته.
كل واحد فينا عنده قصة كبيرة… ياريت الناس تحب بعض… وتحب الخير لبعض… هتحسوا ساعتها بطعم السعادة… الخير اللي بتتمناه لغيرك… اكيد هيرجعلك أضعاف مضاعفة….
اتمنوا السعادة والخير لغيركم …ساعتها هتحسوا بالسعادة والرضا.
