الجمعة , 29 مارس 2024

“سبني اوصفك”..قصيدة للشاعرة السكندرية أمل فرج

= 1870

ويعنى لما نقول ياورد
مين بجد
يقابله شوقي غير عيونك
سحرهم ده مالهوش حد
وهو وعد مابينا مد
ليالي لهفة
ولسة خايفة مشاعري
يوم تبعد بعيد
وانت الوحيد
بحس حضنه توب امان
بتطرزه بحنيتك
حتى اما تزعل
تخفي جواك قسوتك
والاقيك بحنية ترد
واجرى عليك
واعمل كمان مش دايبة فيك
واداري شوقي
لما اشوف نظرة عينيك
وايوة بدلّع عليك
واخبي غيرتى القاها سبقاني
وحيرتى تملي تسألنى ..و ارد
هو ليه دايما معاك
بنسى المكان
وانسى الزمان
ده حتى اسمى
انساه كمان
وافتكر بس كلامك
همستك لمسة سلامك
لهفتك وبحور حنانك
اقول لنفسي
هو ده اللي اختاره قلبي
وانت تبدر قلبي نور
والقى ريحتك عود بخور
وريحان غرامك حبة حبة
اتحنّى بيه
واما المحك
الاقينى ساكنة فملمحك
تشبهنى يمكن واشبهك
وانا كلي ليك
بلسم جروحي
وكل روحي بتندهك
واياك تقوم من مطرحك
سبني بعيوني ارسمك
برمش فضة ورمش شوق
مش عايزة افوق
وانا بوصفك
..سبني اوصفك..

شاهد أيضاً

عندما يتوقف المطر … بقلم: مريم الشكيلية – سلطنة عُمان

عدد المشاهدات = 6559 عندما التقيتك أول مرة في ذاك اليوم الربيعي الهادئ على الجانب …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.