حياتي اليوم صحيفة إلكترونية يومية
كان ياما كان يا سادة يا كرام..رئيس وزراء اسمه شريف اسماعيل خرج علينا بتصريح لوذعي غريب لم يسبقه إليه مسئول من قبل ..بعد أن قال لا فض فوه إن المواطنين قد قابلوا ارتفاع الأسعار بحالة من الرضا !
وفي إطار التصريحات الإعلامية المتبادلة لكل من السيد رئيس الوزراء ، ووزراء البترول والكهرباء والتموين والإسكان وبين المدعو »حالة رضا ».
أكد الأخير أنه ينفي ويستنكر إدلائه بأية بيانات أو تصريحات إعلامية بشأن وصف حالة المواطنين عقب رفع اسعار البنزين والغاز والكهرباء والمياه.
ومن ناحيته أكد المدعو (حالة رضا) أنه ينفي ويستنكر أقوال رئيس الوزراء مؤكدا أنه ..ماحدش حاسس برضا ..ولا حد عامل له حساب !
و انه ماقالش حاجة ولا راح لحد ، ولا حد قاله إنه حاسس بيه !
وقد أشار رضا الي أنه علي يقين من أن رئيس الوزراء ووزراءه فقط هما اللي شايفينه وحاسين بيه ..اما المواطن المصري ..فلايعرفه ولا شافه !
والظاهر إن رئيس الوزراء ووزراءه مايعرفوش إن رضا مابقاش موجود من بعد تعويم الجنيه ، وانه بدأ يلم »خلجاته» استعدادا للهروب خارج مصر.
وخلاص ..هوبا ..في ثانية واحدة مابقاش فيه رضا .
كما يعتقد »حالة رضا»..أن السيد رئيس الوزرا من عشاق أغاني الست ام كلثوم ..ومن كتر حبه فيها ..بقي شايف إن الدنيا كده وصال..ودلال ..ورضا ..وخصام !
بس الظاهر إن التلاتة الأولانيين هربوا منه ..ومابقاش فاضل غير الخصام .
