حياتي اليوم صحيفة إلكترونية يومية
الغلابه أسجنوهم
والديابه برأوهم
ولا أقولك يابلدنا
خلصوهم واشنقوهم
القتيل اسمه الوطن
والشهيد ابن المحن
الحلم مات واندفن
والبوم لأحلامك سكن
اللى قاتل فيكى حـر
واللى مات إسم ومـر
مـر ع الغلب وسنينه
لما منك تـاب وفـــر
اللى زارع فيكى تاب
واللى عاشق فيكى شاب
واللى سارق فيكى وحده
اللى مش ممكـن يعـاب
الغلابه أسجنوهم
والديابه برأوهم
ولا أقولك يابلدنا
خلصوهم واشنقوهم
