كل حكاية بتنتهى موقفش عليها يوم زمن
كل قلب بينكسر مبيدفعلهوش حد التمن
واللى ساب يوم المحن
ترسم طريقه
ميجيش يجيب دموع فعينه
وعامل ملاك
كان فيه انتهاك
وحق امتلاك
وصكوك بتثبت ان القلوب مش للفراق
العقد شريعة المشتاقين
امضى اشتياق
هقول
اميييييييييييين
…
على حد علم المخدعوين
(اعطنى الناى وناااااااام )
كفين اتسرقوا من الأيام
ابصم بالكف الشمال
انك ولى
او ترالالالى
أو شاعر بيتاجر بشعره
على حساب مشاعره
او اى حد غير
لسانك
بطل ….كلامك
فخير الكلام
انك تسيب حزام الأمان
وتحضن وهمك
…
وايه يهمك
لو ادم كَل كُل التفاحة
او حوا قالتلوله كملها
وايه يهمك
لو شجرة سنط تميل جزع على احزانك
تدوب ف زمانك كالسكر
فتاكلها
بقك حنظل
والشجر المر دا كان علقم
طعمه ممرر
…
انا اهمك
لو يوم عديت بين النهرين
ولقتنى هناك
صورة تشويش
وجعك يتحاش
بهديلك نص التفاحة
فمتكولهاش
خلينى انزل ع الارض لوحدى
وخليك فى سماك
حلمك أرضى