.الاب شاف الحلم منه بيتسرق
لما قالوا له ابنك غرق
غرقان ف دمه وكان بيحرس
ف البلد
يبكي وينده الف صوت اه ياولد
مقهور بيسال عن حبيبه ونفسه يعرف راح لفين
قالوا له ابنك مات شهيد
مدفون علي ارض الهرم
اياك تقول ابنك ده مات
يا محترم
وابنك بيحضن فالعلم
الاب شاف ابنه وباسه
كان كل خوفه على البلد
وبايده رفعه فوق كتافه
وخوفه راح ساعة ماشافه
والف صرخه ع الولد
ابنه شهيد ايوه تمام
غدروا بيه ف عش الحمام
مايقدروا لوكان قصادهم
جيشنا ده جيش الهمام
لكن حقيقه فينا جرح
ومستحيل نرضي بصلح
مصر ماتسامح جبان
تاركم هناخدوا و يبقي فرح
ابني وحالف ميت يمين
انه وراها يقول امين
فاماتقولوش انه اتقتل
مبتفهموش معني الاهات
الاهه طالعه بالحنين
ولا تعرف يعنى ايه سكات
فداكى كل الاحساسات
فداكى يارض الهرم
والفخر انه فداكي مات