حياتي اليوم صحيفة إلكترونية يومية
يلا كان وده ياما كان الحكاية م البداية
كل شلو يشبهلو
هى كام واحدة بلبانة
خلت الغربان يهلو
هى جدعة بالحداقة
والكلام اصبح سكات
حتى عيب لو جيت تشاور
او تقول عالعيب ده عيب ..
اوعى تسأل ليه ده مات
ما الحمار شد اللجام
واللجام اصلا مهلهل
يعنى كله خلاص بكام
ع الرجولة اضحك وصهلل
كله عايش والسلام
..كله سامع عامل اطرش
واللسان مع شاى بيفرش والايدين مقطوعة عامية
كله بيهز الصحون ..
.لحم ضانى ويا بامية
وانت اخرك عيش بملح والمخاخ زى الحلاوة
شكله راجل بس لطخ
بت جدعة ياعينى عشقت بس لاجل ابوها سافرت
باعها يعنى بالفلوس
.او جبان فى فيلم ناعسة
يترعب لو شاف نفوذ يعنى كيف سوق النخاسة
واللى عنده المال يدوس هو شاور بالعصاية
مالعصاية بقت رصاصة والرصاصة ف السياسية
والشهادة عايزة قاعدة والخواجة خلاص مسيطر
والوشوش عمالة تنهش والشريف يتجبلو مٌزة
واللذاذة المَزة طازة
حد فلس راح مهيس
كله وسطو معاه بيرقص بالاونطة ملالو شنطة
والكلام ده مش اونطه
الكلام ويايا نمّل
بس مضطرة اكمّل
اصل هى دى الحقيقة
الف ميت اراجوز يطبل
للعبيط مافيوم هيوصل اصل ضهره كبير وواصل
والرشاوى والمكايد
واللى كايد قلبى قاعد
كله بايع للقضية
بسهرة ويا جوزين حمام
دنيا حالكة وظلم شايك والنفوس بيبانها خايخ
مش هكمل قلمى دايخ اصل شالى هو شالك
والبيبان متقفلالك
والحجاب عمال بيطْول
لما غطى كله بانك
ياما قالو ف الكلام
عدل بكرة راح يبان والبيبان يمكن تفتّح
مالحقيقة تملى باينة والودان عامللنا ناسية
بكره تفتكر اللى كان
يلا كان وده ياما كان
..والختام من غير سلام…
