حياتي اليوم صحيفة إلكترونية يومية
اتصال أهو جالى منك
قلت فيه همس الحبيب
كنت نبض القلب لكن
قولى ليه حساك غريب
كل همسك ساكنه غش
قلبى مال
قلبى مال حابه افتكرلك
اى فرحة لقلبى منك
بس ابدا مافتكرش
غير وصال
غير وصال صابر علينا
مهما نقطع منه حته
بردوا يجى و ينادينا
بس صوته مااتسمعش
والامال
والامال تاهت فسكة
كل ماافتح ليها باب
القى غدرك ليه سددها
وانت بردوا زى ما انت
ليه سايبنى للعذاب
بس قلبى اتشك شكة
انت ليه مابتتوجعش
ده القتال
ده القتال داير تملي
مهما تعمل بينا هدنه
القى عقلى ليه يقولى
لسة قلبك ماتقتلش
احتمال
احتمال كان طعم حبك
جوة قلبى حلو جدا
بس مرر لما دوقته
زى علقم ماتبلعش
