طيور الهوى كتير
وانا طيري في الميّه
غرقانة معاه في البيرْ
وحبيبي ملــوش ديـــّة
قلبي مَهوش مَرسى
سَمَــكـة وبِــنــــيّـــه
تِــعِــب الفـــؤاد مِنّي
عشقى الصَّدف غيّهْ
سهرانة معَ القنـــاديــلْ
تِعِدُّهم مِــيّـــــة
واطرحْ وأقول مواويل
واسرح فِ أغْـنِـيّة
مركِبْ وشراعه طَويلْ
راســيـــة مِهَــدّيّــــة
واقِـــفْ عـلـيها الطيرْ
حِبالْها مِتــْنـــِيّـــــة
موج العصاري يهيجْ
ويوشـــوش الــمَيـّـة
ساعة الغروب واقفة
وماهيش مِعَدّيّة
طيري وفِ المية
بيـِـعْـشَــقْ فِ جِنّيّةْ
عــيــنـُـه على سـمكة
شقيَّة وبُـلـطيـّة
صــابـــر وصِـنّارته
بــتـغــمِزْ بـحِـنـيــّه
صيّاد يجي بـشـبـكـة
ويــرمـيها في المية
تـعـلـق بـها الـسمـكة
وتــروح مـعـديــــة
طيــري أنا فــقـــري
ونــصــيــبــه بِــنيّة
طاير لــقــوت يــومى
عـلـى نـهري بهديه
آخر الــهــوى عـلـقـمْ
والـطُّـعــم مُـش ليّه
كان لـيــه بـقى بيعشق
بــخــيــاله بُـلــطية!
طــيور الــهوى كتير
وانا طيري في المية
غرقانة معاه فى البير
وحبيبى ما لوش ديّة
قلبي مهــوش مَــرسى
سمكة وبنية