أيه يا ناس اللي بيجري لينا
بقينا وحوش منا فينا
فين الضمير الي عندنا
خلاص راح وانتهينا
خلاص معدش فيه امان
ولا وصلنا لحنان حيوان
لما يكون اسمنا انسان
ونضيع قيمتنا بادينا
يبقي خلاص انتهينا
وحوش وحوش عايشين
ماشين ما بينا وساكتين
ولو شكينا هنشكي لمين
انت يارب بس الي لينا
ماحنا خلاص انتهينا
ادام عنينا كلنا
ماتت البراءة ف دمنا
هتكنا شرفنا وعرضنا
ولو سكتنا عالجاني
جرمنا هيكون بادينا
وهنكون خلاص انتهينا
اعدام اعدام اعدام
للي يطفي نور سلام
للي يقتلنا بكلام
للي يقتل ضميرنا
من غير اي ملام
حياتنا و هانت علينا
وخلاص بقي انتهينا