حياتي اليوم صحيفة إلكترونية يومية
عايز تبقى على الهامش… خليك ..انت اصلا مش مهم عند حد ….خليك … فى الانتظار كتير … يلا كمل … مستنى بردو..حد يطبطب عليك ..محدش بيساعد حد هنا … محدش هيخلصك من حزنك … ويقف جنبك .. هتفضل عايش فى الوهم ..كتير .. !
بجد الضربة اللى كسرت ظهرك تقويك .. الحياة بردو ماشيه بيك او من غيرك …الحاجة الوحيدة اللى ممكن تكسرك هو انت !
الحياة مش بتقف على حد ..حط حاجة واحدة فى دماغك انك لازم تسيب الدنيا دى .. وانت عامل حاجة… لكن زى ما دخلت زى ما خرجت .. مستحيل تبقى كده .. اوع تتنازل عن حلمك … ربك ميحبش الانسان اليائس .. !
عايش فى الحزن … ولو لاقيت اللى يطبطب فى الاول … بعد كده هيزهق منك … لانك انسان ضعيف … مع اول لحظة فشل … رجعت الف خطوة للخلف … اومال احنا عايشين ليه فى الحياه …؟
ليه لحد دلوقت لسه فى عمرك بقية…ومش بتستغل الوقت ده انك تحقق حتى جزء بسيط من حلمك ….اكسر الخوف واليأس وفكر فى نفسك وبس … انت عايش بتتنفس بس ميت من جواك .. حلمك لسه موجود … وابقى انت وبس .. متبقاش حد تانى .. !
اكسر قيودك وحب الحياة .. هتلاقى روحك رجعتلك تانى …متبقاش على عتبة الحياة … ادخل جواها …انت مش على الهامش !
