حياتي اليوم صحيفة إلكترونية يومية
فى حاجات بنعملها بحبنا وبندفع تمنها بحبنا بردو !
وأولها مكانا فى قلوب اللى بنحبهم …
لما بتحس انك مش مرتاح فى مكانك بتفكر تغيره …وتدور على مكان تانى يمكن تلاقى فيه راحتك…
بتدور فيه على روح تانية تشاركك المكان الجديد!
وتبدأ توقف الزمن عند لحظة معينة فى حياتك علشان تأخد اللحظة دى وتوصل للمكان ده ….
بنضحى بحاجات كانت معانا لأننا ماكناش حاسين بيها….
وبتطلع الحاجة دى ما تستاهلش كل اللى ضيعناه علشانها.. فنلاقى نفسنا مش فى الواقع !
أسوأ حاجة ممكن تحصلك أنك تكتشف أن المكان ده مش مكانك رغم أنك كنت فيه بإرداتك !
وممكن تكون فكرت تروحه علشان تغير مكانك اللى كنت فيه وتنسى حاجة كانت جواك …
بس هتلاقى نفسك بتحن لحيطان مكانك القديم وبدل ما كنت بتملئ فراغ قلبك بروح تانية …
هتلاقى الروح الأولى ملازماك ..
وتبص لنفسك وتقول ده مش مكانى !
لا ريحة الأماكن بتغادر!
ولا الأرواح بتفارق إلا بأمر أصحابها !
