الثلاثاء , 11 أغسطس 2020
الرئيسية / نفسي / كبسولات مهدئة…(الشخصية القاسية)…تكتبها رشا صيرة

كبسولات مهدئة…(الشخصية القاسية)…تكتبها رشا صيرة

= 661

(وقد رأيت فى تجاربى أن الفرق بين تدين الشكل وتدين الموضوع هو قسوة القلب أو رقته).
الشيخ (محمد الغزالى)

الشخصية القاسية هى الغليظة فى الأخلاق والأفعال وهى ضد الرأفة ….
تحمل معنى الخشونة والشدة والصلابة والقسوة والمقصود بيها فى المشاعر والتصرفات .

صفات الشخصية القاسية بتظهر فى:

١- القاسى ….قسوة القلب بتغلب على كل تصرفاته وغلظته فى التعامل حتى مع اللى مفروض يكون معاهم رؤوف وعطوف كالوالدين والزوجة والأولاد .
٢- القاسى …بيستمتع بممارسة القسوة مع الآخرين ويتلذذ بأهانتهم والسخرية منهم وايذائهم ودايماً بيستخدم أسلوب التهديد والعنف والعدوان فى الخصومات .
٤- القاسى …شديد وصارم فى عقابه سواء لو غيره يستاهل أو ما يستهلش.
٥- القاسى …بيستخدم أسلوب الأكراه والتذلل له والخضوع لرغباته وآرائه علشان يحصل على كل اللى بيخدم مصالحه .
٦-القاسى …عنده ميل للكذب وبيستخدم رعب الآخرين وتخويفهم
٧- القاسى …..عنده ولع بالعناد والتحدى وشدة الخصومات ودائماً فى حالة أنتقام من الآخرين .
٨- القاسى …دايماً بيسعى لإثبات صحة وجهات نظره وآرائه ولا يثق فى اى حد ودائم الشك .
٩- القاسى ….متصلب الرأى لدرجة كبيرة ، كثير المقاطعة فى الحديث حتى يثبت رأيه ، مغرور لدرجة كبيرة .

كل الصفات دى لما بتتجمع فى شخص بتوهمه أنه مممكن يسيطر على الآخرين ويحقق مكاسب فى عالم بتغلبه المنافسة الشديدة ؛؛؛ وانه هيقدر يكون ناجح !
طبعاً فى سوق العمل مفيش شك أن مطلوب فى بعض الأوقات من الإنسان انه يملك بعض الصفات زى الهدوء والقسوة والمجازفة ؛؛؛ لكن ….لما بتزيد سلوكيات أصحاب العمل عن الحد بتؤدى إلى أضطراب نفسى وبيقل آدائهم؛؛؛ لان سلوكهم العدوانى وميلهم للمجازفة بيخليهم متسرعين وبيوقعهم فى مشاكل حقيقية فى التحكم فى سلوكهم وبيهربوا من العمل وفقاً لحالتهم المزاجية !
وعلشان تقدر تتعامل مع شخص قاسى اللى غالباً ممكن تلاقيه فى بيتك أو شغلك أو اى مكان مجبر عليك تتعامل معاه فيه !

خلى عندك ثقة فى نفسك وأعرف ان القاسى ضعيف ؛؛؛

أثبت على وجهة نظرك لو كانت هى الصحيحة وبأصرار شديد عليها وما تغيرش رأيك علشان خاطره ؛؛ ممكن تفشل مرة ! بس كل ما تتعود هو مع الوقت مش هيقدر يستخدم أساليبه معاك !
خليك ذكى وتجنب النقاش معاه ولا تستفزه ولما يتكلم استمع إليه وفكر كويس جداً وأنت بتختار كلماتك لأنه دايماً أسلوب تأثيره بيكون بالصوت العالى والغليظ بيرهبك وبيديلك أنطباع أنك لازم تخاف !

قلل كلامك ورد بـ ( نعم ولكن ).

حافظ على ثباتك الانفعالى وهدؤك وده اللى هيستفزه !

اوعى تتوقع منه اى عواطف أو مشاعر ؛؛؛ وبلاش تلومه أو تعاتبه فى اى وقت تلاقى مشاعره غليظة وكلماته قاسية علشان تنبه لغلطه واوعى تتوقع منه انه يفهمك أو يحس بيك !

لانه هيستخدم لومك وعتابك ضدك !

(وهكذا ….هى الحياة من كسر قلوب الناس سيجد حتماً من يكسر قلبه) غاندى.

شاهد أيضاً

كبسولات مهدئة…(الشخصية النرجسية 2)…تكتبها رشا صيرة

عدد المشاهدات = 993 الحلقة الثانية (خدعة النرجسى ): من أسطورة ( نرسيس ) فهمنا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: