السبت , 19 يونيو 2021
الرئيسية / خواطري / نيرة الإمام تكتب: كأنه حلم..!

نيرة الإمام تكتب: كأنه حلم..!

= 5839

الراجل ده لو قابلتيه إفديه بروحك ومتتأخريش لأنك لوفقدتيه هتبقى جسد بلا روح

الراجل اللى بيخاف عليكى من الهوا الطاير

الراجل اللى بيكون سندك وضهرك
الراجل اللى مبيدخلش عليكى إيده فاضيه ولازم هديه

الراجل اللى بيفرح أوى بمرتبه عشان يجبلك منه حته دهب بدون مناسبة

الراجل اللى بيجبلك الفطار على السرير

الراجل اللى بيقلك هركبلك تكييف فى المطبخ عشان متعرقيش وتزهقى

الراجل اللى بيقلك انا عايش بس عشان أسعدك

الراجل اللى بيحميكى حتى من اخوكى لو على صوته عليكى ويقله (أنا لن أسمح بمثل هذا التصرف مرة ثانية)

الراجل اللى بيكون سندك وبيبقى قوتك فى لحظة ضعفك

الراجل اللى محرمكيش من حاجه ابدا
الراجل اللى دايما شايف عيوبك ميزة

الراجل اللى دايما بيدافع عنك طول الوقت وعمره ما شافك غلطانة

الراجل اللى عمره ما شافك وحشة ودايما شايفك أحلى من كل الناس

الراجل اللى بيفتح مشروعه ويكتبه بإسمك ويمسكك كل حاجه

الراجل اللى بيعاملك زى بنته وميستحملش يشوف دمعة فى عينك

الراجل اللى بيدمع لو قلتى آه ويقول يرب انا اللى اتعب وهيا لأ

الراجل اللى لأخر لحظة مبيكنش حامل هم إنه يموت قد ما بيكون حامل هم فراقك وإن إنتى هتعيشى إزاى من بعده لأنه مش مطمن عليكى مع حد غيره

الراجل اللى مجرد وجوده جمبك بيديكى الأمان

الراجل اللى دايما مخبيكى فى حضنه ومحافظ عليكى

الراجل اللى بيرفض يتجوز غيرك تحت أى ظرف حتى لو سمحتيله

الراجل ده متحلميش بيه لأنه بيبقى ضيف على الارض من السماء وبيرجع للسماء تانى.

شاهد أيضاً

مصابيح: أشياءٍ لا تستحق الإضاءة!

عدد المشاهدات = 497 سنضيئ مصباح اليوم على أشياءٍ لا تستحق الإضاءة ولكننا إذا تركناها …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: