حياتي اليوم صحيفة إلكترونية يومية
مكالمة (1)
ألو مساء الخير يا دكتور
الو مساء النور يا افندم تحت امرك
بقالي فتره بعاني من نسيان شديد وعدم تركيز ممكن يكون السبب ايه او احلل ايه او اعمل ايه
انا: الموضوع ده جديد ولا بقالو فتره معاكي
لا يا دكتورجديد بعد ما خفيت من كورونا الحمد لله
انا: طيب تمام
مكالمة (2)
الو صباح الخير يا دكتور
صباح النور يا افندم اؤمري
بقالي فتره حاسة بألم في صدري وبنهج وعلي فكرة معنديش حساسية صدر
أنا: لازم تكشفي صدر لأن دي ممكن تكون اعراض كورونا لسه في أولها
لا يا دكتور انا خفيت من كورونا بقالي شهر
انا: يعني انتي كنتي مصابة بكورونا طيب تمام
مكالمة (3)
السلام عليكم يا دكتور
وعليكم السلام ورحمه الله وبركاته
انا بقالي مده حاسس ان جسمي مش مظبوط من الآخر كده معنديش مجهود لأي عمل اقوم به وانا من طبعي نشيط
انا: الموضوع ده من امتي جايز يكون اجهاد اوانيميا او او او
لا يا دكتور الموضوع ده بعد ما خفيت من كورونا
انا: طيب تمام
** كل ما سبق يطلق عليه ((متلازمة ما بعد الكورونا))
بعد الإصابة بـ”كوفيد 19″ وجد مركز التحكم في الأمراض الامريكي ان 35% من المتعافين من كورونا يصابون ببعض الأعراض وهي:
1- الوهن والضعف العام
2- ضعف الذاكرة وفقدان التركيز
3- وجع وألم في الصدر
4- صعوبة في التنفس ونهجان
5- النوم الكثير وقلة النشاط والحيوية
الفيروس لسه جديد ومعلوماتنا عنه قليلة والابحاث مازالت مستمرة عليه وعلى التغييرات التي يحدثها في الجسم اثناء وبعد الاصابة.
ولكن ما توصل إليه العلم حتي الآن ان الفيروس يسبب حالة التهابية شديدة في الجسم مما يسبب وجود جلطات صغيرة في انحاء متفرقة من الجسم.
وهنا السؤال الأول: هل يجب علي كل مصاب كورونا أخذ أدوية للسيولة؟
– محدش عنده الإجابة دي لأن الأبحاث مازالت مستمرة.
السؤال التاني: هل كل من أخذ دواء السيولة لازم يستمر عليه لمده أكتر من شهر؟
– الإجابة دي بالذات أطباء القلب ردوا عليها وقالو أيوه 3 شهور، وفيه حالات لازم تستمر عليه لـ6 شهور.
دائما الوقايه خير من العلاج:
البس كمامتك
حافظ علي التباعد الاجتماعي
خليك بالبيت لو مش مضطر تنزل
حافظوا علي أطفالكم لأن الاصابات فيهم أصبحت شديدة
عافانا الله وإياكم من كل مكروه وسوء
اللهم ارفع عنا الوباء والبلاء
