حياتي اليوم صحيفة إلكترونية يومية
—
بندول الساعة
بيمشي العكس
واياك تسمعنى
تقولي ده هجصamal
تواريخ واحداث
وميلاد والغاز
وصلاح الدين
من يوم.حطين
اهو راح ولا جاش
وان جالو شبيه
بيطوف بحصان
بيشاورو عليه
ده شبيه مجنون
بيقول حكايات
ان الانسان
هيكون يوم حر
كداب يازمان
ف ربيع نوات
نسانا الطين
فينها فلسطين
وعشان الناس
عايشين اجناس
منهم انجاس
ربطوه وسحلوه
وحدفوه بالطوب
انداس بالشوز
لاجل انه يتوب
وان تاب اهو مات
وماتبش اهو مات
سلسال للدم
من باقى رفات
والتار بالنار
وحيطان اسرار
وبتحكى العجز
ده كلام مش هجص
مظلوم إتدان
وفكل ادان
اجراس بلدان
بتلاقى ودان
مش سامعة الهمس
لاجل إن الشمس
مش باعتة الضي
ف نثور للنور
مربوطة نسور
حلقان جنزيرها
لسان مبتور
و الحق انداس
كداب ياشجاع
أهو كله ضياع
أوطان تتباع
أرباع.. أرباع
مليون كداب
مين قال الحق ؟!
والقهر اهو طال
لابطال وابطال
حوالينا لهيب
وسراب بيغيب
نوات وضبيب
مبقاش فى طبيب
يستئصل مر
لاء واللي امر
بقا بالنبوت
حراس لتاريخ
واقفين علطول
بيقولو خلاص
الكل يموت
والكون اموات
وطاويط بتجيك
لابسين توابيت
بتكسر روحك
من جواك
فيبان العضم
كأنه فتات
ارمل مخنوق
لسه منمل
من عزم الضرب
بيقول ياجبان
لسة مكمل..!؟
فتسلم كل اوراق محياك
وانت مبلم …
لخابيط شخابيط
حلمك ف محيط
وضلامه غويط
و بصوت إنهار
بتنادي ازاى
بقى بكرة يجيك
وجناب معاليك
بتمثل دور
لابس خايف
بتكلم نفسك
مش سمعاك
عامل لحساب
أنهار الدم
تنبت وابل
لدموع بتحن
يمكن هتئن
وتنام تانى
وتصحى ب مواويل
بتغنى تميل
باسم المساواة
ويا مين سواك
لتكون فارس
لنهار مش جي
مع ليل كافر
لساك بتعافر
حرية حياة
علشان بكرة
من حلوه تدوق
يمكن هتعيش
يمكن هتشوف
للبدر النور
بترقع توب
انك هتشوف
من غير الطوب
راجعة لنا القدس
وعراق ..سوريا
وليبيا وكام حلم
رافض تأويل
والارض هترجع
وتكابر
ونقول ونثور
نصحى على كابوس
اهو ده المكتوب
وايام و سنين
للارض حنين
للعرض اهات
والتار له انين
بيصهلل دم
ده كلام مش هجس
بندول الساعة
بيمشي العكس
شعوذة بالفاكس
تسحر فكرة
ده العمر مايسوى
حتى فلكس
لزمان دهاليز
بنتوه جواه
وخسيس لانسان
وقميص الدنيا
ملبوس عكس
بيوطي الغالى
ويعلي رخيص
القدس هترجع
افتح يا هويس
ده كلام مش هجص
