الشاعرة أسماء فريد تكتب: مش هتموت..!
8 مارس، 2017
خواطري
عدد المشاهدات = 1477
اتخلقت بس عشان تعيش
ام العلما والدراويش
عايشة ما بين كلام وسكوت
بس بلدي مش هتموت
طول ما فيها النيل بيروي
طول ما فيها شمس بتضوي
طول ما فيها ام بتحوي
ارض الحنة وشجر التوت
حارسها المولي ومش هتموت
يالي كنت عليها حاكم
ابدا دانت ليها ظالم
نهبت شعب كله مسالم
واتحججت باكل القوت
بيك من غيرك مش هتموت
وانت يالي عليها حاني
قالوا عليك انك جاني
عمر الحب ما يبقي اناني
شعبك حر بيحبك موت
رفض الذل ومش هيموت
جيشنا ياغالي يا حامي بلادنا
فخر لينا ولأولادنا
هات الهنا والنصر قصادنا
تحيا مصر بعلو الصوت
هتعيش بلدي ومش هتموت
الوسومالشاعرة أسماء فريد مش هتموت!
شاهد أيضاً
عدد المشاهدات = 12423 أنا قررت خلاص.. هعمل حِجّة حِجّة لقلبي اللي اتكسر ميت حتة …
حياتي اليوم صحيفة إلكترونية يومية
