حياتي اليوم صحيفة إلكترونية يومية
ياللى خاطف منى روحى
وانت روحك جوة منى
ايوة روحك هى روحى
قلبك الساكن براحى
جاى تاخده غصب عنى
جاى برضه بتتهمنى
انه جوة الدرج زينة
جاى بتلم الخطاوى
ولا بتبعترها فينا
قولى هى السكة هى
ولا تاهت بين ايدينا
يا اللى خاطف روحى منى
سمعة لحنى جوة منك
بس عزفه شكل تانى
حاسة صوتك
وفملامحك صورتى فيها
بس صورتك حد تانى
قولى ليه الشوق رمانى؟
وانت بردوا لاجل عندك
جى ناسى حبى ليك
جى طالب فك اسرك
طب واسرى يهون عليك؟
وانى اغادر حتى قصرك
طب ورودى اللى فمكانها
واللى ساكنة ريحتها فيك
ليه تقول انك عايزها
طب وايه يفضلى ليك؟
ياللى خاطف روحى منى
جى تقول ما بأتش شايف
غير تراب متحنى بيك
جى تشكى م العذاب
والعذاب ربطنى بيك
جى عاوز كلى منى
وانت روحى التايهه منى
خدها منى.. ماانت منى
وف النهاية راجعة ليك
