حياتي اليوم صحيفة إلكترونية يومية
ف تكتكات البرد برسم لك
نهار طالع في ضحكاية
شعاع مغزول بيبدأ بيكي غنوايته
وانتي الأصلّ ..
كنتي اللمة والعيلة
وكنتي دفانا عز البرد
دوانا ف جرح كلّ وداع
وودعتينا من غير ما تقولي ازاى
نداوى الجسر وقت الكسر
نلم ازاى ونردم حفرة جوه البيت
وننسي ازاى ايدين واحدة
تملّي علينا بتطبطب
عزيزة الكلمة في لسانك
عزيزة وعزتك سمتك
في عرش القلب و رسمتك
رسمتك تاج على الأطفال
في جنة خلد
نقشت بريقي حنية
تعلم بيكي لياليا
وجارك كنتى تاخدينى
وتتباهي بكمال عقلي
ولما فارقتي معرفتش
فوايد عقلي بعدك إيه
بعتّه يمهد السكة
عشان في الجنة تتباهي بقرابتك ليه
زرعتي الشجرة طارحة الخير
ماحددتيش ميعاد الري
ومات عطشان في بعدك طير
سأل عنك تراب الحي
