حياتي اليوم صحيفة إلكترونية يومية
انعدام الثقة بالنفس بيخلينا تايهين لا عارفين احنا حاسين بأيه ولا عايزين ايه من الدنيا..وصولنا لإحساس اننا معدومين الثقة بالنفس … بنتخبط فى الحياة كتير.. ناس بتسبنا بارادتهم .. وناس تانيه بيخدهم الموت مننا وغيرهم بنتخدع فيهم .. وهى دى الحياة ..مجموعة من التجارب بتودى وتجيب فينا بس للأسف بتسيب اثر فينا …
كمان الحياة مليانة حاجات حلوة بس لما اليأس يسيطر بكل قوته بنفقد لذة الحياة …. حتى المواقف الحلوة اللى بتمر علينا مبنخدش بالنا انها حلوة غير لما تمر…فاقدين الثقة بالنفس محبطين من كل حاجة …حساسية زيادة … دموعك بقت سبقاك قبل ما قلبك يدرك الموقف ..
هى مرحلة مش خطر بس لو لحقت ترجع ومتكملش عن التعود على كده يبقى احسن لأن التعمق فى الحزن واليأس بتأخد وقت علشان ترجع على ما كنت عليه .. هتلاقى فى وحدتك راحة.
الوحدة احسن بكتير بعيد عن سخافات البشر بس لحد امته هتبقى كدة!
هتخرج من الوحدة اللى هى بداية السلم للاكتئاب انك تكره الكلام مع اللى حواليك والحاجات اللى بتحبها هتشوفها دمها تقيل … مع انها حلوة فى عينيك ودلوقتى انت مش حاسس بيها بس خليك فاكر انك بتموت نفسك بالحيا.. يعنى انت عايش بس ميت من جواك .. ولازم تعرف ان دى اخطر مراحل الاتنقام من النفس.
