—
وجوا كل واحدة فينا عشق مالوش نهاية
مخلوق معاها وبيجرى فى دمها من البداية
وكل ما تكبر بيزيد جواها
بيغذى روحها ويزيد حلاها
أول ما بتقع هو اللى بتتسند عليه
وتتخبى بين أحضانه وتتقوى بيه
أول حب ليها وآخر حب
أصدق قلب وفداه العمر
وكل ما يزيد البعد نشتاق أكتر
وكل ما تعدى السنين حبه بيكبر
وننام ونصحى على أمل نلاقيه
وتفضل الروح دايبه ومشتاقه ليه
مع إنه مبقاش معانا وفارق دنيتنا
وسابنا عايشين من غيره فى غربتنا
هيفضل حبه بالنسبة لنا حياة
وسيرته العطرة هيا طوق النجاة