حياتي اليوم صحيفة إلكترونية يومية
—
ولعها بشمعة وكبريت ماتضلمهاش……وان ضاقت ف يوم عليك ماتكبرهاش …..ياما ضاقت عل غيرك .وفرجت.,,..وبرضه ما طلهاش..ولعها بشمعه وكبريت..
ولعها بشمعه وكبريت ..وماتطلبش من العفريت….طلباتك خليها عل ادك …ده جنسه واصله حويط ..
وخصوصا عفريت العلبه ……الل يوعد بالمانجا وتطلع حلبه…..ويقول عيني وحاضر ..والعيشه قضايا ومحاضر..ولعها بشمعه وكبريت..
ولعها وخد بالك من العفاريت ….حكم العفاريت اشكال والوان ….تطلعلك من كل الاركان…حتلاقيها في اي مصلحه …حتطلعلك من قلب الممسحه..
حتشوفها .ف مستشفي ..ف مدرسه..ف وزاره..
ف مول او شارع وعماره ……..العفريت الحكومي موجود او حتي الخاص من غير عقود .. ….. حتشوفهم في الضلمه او في النور.. في الزحمه او حتي مكان مهجور..ولعها بشمعه وكبريت..
ولعها بشمعه وكبريت ….واعرف انواع العفاريت ..
اتعرف عل العفريت الطيب اللي عايز معاك يعيش ….والل يزقك ف اي خرابه عشان بس لقمه العيش..
والعفريت اللي عل اد حاله ….اللي يعفرتك ويعفرت غيرك ..عشان بس يوكل عياله..
والعفريت المالي و العفريت السياسي… و اللي عايش دهبي واصله نحاسي….ده غير صاحبك العفريت الل يجيب اهلك.. من تحت البيت..
وعفريت خبير..وعفريت استشاري….وعفريت ابن ناس …وعفريت حواري.وعفاريت المصلحه .ولا انتش داري..
ده غير العالمي ..والمحلي …واللي بأخبارك دايما بيحلي
.ولعها بشمعه وكبريت
وخد بالك العفريت لا ليه ضمان ..ولا ليه صلاحيه …والعفاريت الزرق ..ايديهم طايله ..وناسهم مفتريه…
تزعلهم ف الفضا..تلاقيهم ف وشك قضا.
وشمعه وشمعه عل كبريت …الدنيا بطوله عفاريت ..التمثيل فيها كانت متصدق ..والمخرج كان مخ عبيط..
ولعها بشمعه وكبريت..
