منة رامى تكتب: آه يا دنيا !

مالك يادنيا علينا قاسية
وحياتنا فيكي مش راسية
ليه لافراحنا واحلامنا ناسية
ليه علينا بكل قسوه دايسه
حرام عليكى يا دنيا ارحمينا
عمرك ما فرحتينا دايما تجرحينا
ليه دايما تظلمينا وفي فرحنا تبكينا
ليه في الهم ترمينا ومن اعز الناس تحرمينا
آه يا دنيا العذاب والمرار
آه يا دنيا جنتك لينا نار
آه يا دنيا مليش فيكي اي قرار
لانك دايما فارضة علي الحصار
بتدى لناس افراح
وتحكمى على ناس بجراح
وناس تنام وتصحى بنواح
نفسى يوم فيكى ارتاح
هقولك ايه يادنيا دايما بتزيدي همي
ولا دايما فى حضن العذاب مرمى
ولا انا اللي ظهري مكشوف وغيري محمى
ابوس راسك يادنيا ارحميني وخففي عني