مش هعاتب لان تعبت عتاب .
وعتابي ليك زمان كان حب وإدمان.
ومع الوقت خفيت لأن من عتابك مليت.
وحسيت اني منك اكتفيت .
وانت من كتر بعدك قلبك بقي جامد.
و العتاب ليه مابقاش مناسب.
لانه ايه يفيد بعد لما الحب يسافر
ويتغرب ويهاجر.
حتي ريحتك في هدومك راحت.
وعتبة بيتك من غربتك تاهت .
والحنية في قلوبنا من حبستها ماتت .
ماهو انفجرت لما إحساسها قال كفاية
مش قاااادر..
العتاب عليك بقي زي العتاب ع أسد
مفترس أكل غزالة والدم ع فكه .
ولما سألوه لييييه هو انت كنت جعان؟
رد وقال لا بس مزاجي كان رايح.
والغزال قدام عيني شارد؟
قولت الحق اصطاده .
ومااسيبش غيري بيه يتهني
انتوا نسيتوا أن انا الأسد
ومفيش غيري الأقوي.