حياتي اليوم صحيفة إلكترونية يومية
عايز اكتب لقيت الكلام قليل عليه… قولت هاكتب اللي حاسه بيه لحد لما عيوني تشوفه… ابقى احكي عليه… ولما شوفته نسيت كنت عايز اقول له ايه…كل الناس ليهم مراحل في عمرك… اللي صاحبك عمره كله معاك… قولي امتى سابك لوحدك….هو معاك علي الحلوة والمرة وسهله وصعبه..
…………صاحبك ………..
حضن من غير مصلحة كف في كف الضحكة من القلب
صاحبك ضحكة حلوة في سحابة حزن
صاحبك هو رشفة قهوة في عيون نائمة
صاحبك هو باب مقفول على اسرارك
يعني هو اصل عين الشمس جواك
يعني اسمك واسمه على بينج المدرج والمدرسة
يعني احلام مكتوبة بتتحقق وهو معك
هو قطعة موسيقى على أوتار أحزانك
هو حكاية ضحكة بعد صمت مميت
هو الهدوء القوي بعد عاصفة الرياح
هو شربة مية بعد موجة حر
هو نبض قلمك اللي بيكتب معاك حزنك قبل فرحك
هو عنوانك لما تتوه بين بوابات الزمن
صاحبك يعني سفينة ترسي على مينا بحرك
صاحبك يحس بيك لو وجع الحب قلبك
تلقي أول حد يجري يجمع لك وردك
صاحبك هو نسمة هواء في موجه حر
هو أول واحد بيجبر بخاطرك في زمن اتنسى فيه جبر الخواطر
يجي الوقت عليك تحس نفسك تايهة عن الطريق
فاقد الاحساس بالاتجاهات وفجأة جملة قصيرة منه تغير طريقك وهو معك
يمكن يمشي بس مش بيعرف يبعد
صاحبك اللي دايما يشوفك احسن الناس
هو اللي دائما ابنه فيه من طبعك
صاحبك تشوف حبك في عينه لما تغيب عليه
بقلم: أماني الروميسي
