حياتي اليوم صحيفة إلكترونية يومية
ودى الأيام
تجمعنا …. تفرقنا
بنرضى برضه بنصيبنا
تقربنا …. تغربنا
وتبعد عنا أحبابنا
ومهما البعد يألمنا
وليل السهد يغلبنا
نآمن برضه بالمكتوب
يمكن ذكرى تسعدنا
ودى الأيام
نقابل ناس … ونعرف ناس
وياما ناس بتتعبنا
وفيها ناس … ضمير حساس
بتسكن روحنا وقلوبنا
ندور يازمن دوار
نعد الخطوه والمشوار
ونستنى الأمل يرجع
وليل الضلمه يبقى نهار
ودى الأيام
على الحلوه …. وعا المره
لازم نرضى ونعيشها
مابين ساره …. وبين ضاره
نعيش نطلب معايشها
ونحلم بالأمل يرجع
وننسى كل ما يوجع
مسير اللى رحل يرجع
مع الأيام
ودى الأيام
