حياتي اليوم صحيفة إلكترونية يومية
محتاجة حد يدلنى على طريق السعادة ، يخدنى وليها يشدنى تعبت والله
الحزن هدنى ، بالفرحة نفسى أغتنى، طب تعرفوا أنا نفسى أكون أيه؟
عايزه أكون قاتله، أقتل الوحدة ، أقتل الحزن اللى يخليك تبكى دا ئما
بسبب ومن غير سبب ، نفسى أقتل الحزن بابتسامة من القلب ، نفسى
أقتل اليأس والخوف اللى كأنه علينا تغفير ذنب، نفسى أقتل الغدر
والجحود اللى معشش فى كل قلب، عايزه أقتل الكذب والكره
والنفاق، أقتل الضمير الميت اللى دبت فيه الحياة ، ورجع لينا وحش
مفترس، رجع ينتقم مننا، حملنا مسئولية قتله ، تفتكروا بعد جرايم القتل
اللى هرتكبها دى كلها هتكون عقوبتى أيه؟
