كل همسة من شفايفك
طعمها سكر مكرر
يعنى لما تقول بحبك
عايزة استطعمها اكتر
ده انت لما تقولها ليا
قلبي يرقص جوه مني
والقي كل الدنيا ديا
جايه بالاحضان تخدني
لما اتوه جوة ملامحك
واعشق النني اللى طارح
كل رمش ياخدنى عندك
القى كل احساسي سارح
يندهك قلبى اللى حبك
تروى ضي الكون بحاله
بابتسامة من شفايفك
يضحك القلب اللي شايفك
من حلاوته ومن جماله
كل حرف يقول بحبك
يرسم المعني ف كياني
يتنقش جوايا اسمك
طير بيحلم بالامانى
زى نور مستنى نجمك
قول بحبك قولها تانى
سبنى ادوق من حلو شهدك
عاوزة استطعمها تانى