ف المحطة صفوف حبايب بدر غايب ركاب فتوهه رايحين لفين قدر وزاعق بيشده قطر ساحب وجع فمحطة ضربة شقلباظ سواق يهدي لكن معدي ينهش قلوب قضبان عليها اشلاء ذنوب متبعترة
روحى وحياتى وبعشقك وغيرتى ليكى بتندهك وتحس انه كلام وبس احساس بعيد عن مسمعك صفارة تيجى تفوقك يلا اللى نازل يلا قوم عايز تقوم وده بعد ايه ماغرامه سيطر ف الغيوم قرر يسمر مطرحك
٣- تالت محطة
اشواق تلهلب فالساعات وحاجات بتنده حب مات واعذار بتملى مخدتك وصفارة عالية تفوقك انزل بقا دى محطتك عقلك يشدك للطريق قلبك يكهرب خطوتك مسكين محير فرحتك بدموع سكات طب ليه كده اعمى و مكمل سكتك
4- رابع محطة
تسمع كلام بانه كان دوب قلوب غدار وغدره خيانته ليك موجوع اوى نفسك هنا تصعب عليك روحك و مليانة بغبار يمكن حمار بتحن ليه واشواق تشدك لانتحار من غير تمن ومافيش مفر سكة سفر وطريقنا كان عكس اتجاه اشارات غلط ومطب كان مليان زلط ينزل عليك بيفتفتك ناسيك وحاضن لهفتك لسة الامل بيوسوسك يمكن يحس محبتك صفارة تيجى تفوقك انزل بقااا
5- آخر محطة
الهم ليه نابك بقى يمكن هبل او حتى طيبة او عشم وشم الالم علم فـ كامل جتتك ماتفوق بقا ماهو م البداية غلطتك حوشت ايه من قسوته غير دنيا ليك متهلهلة وخيوط مرمطها الاهات لساك تحن لنظرة منه ماتنسهاش واحساس يمثل انه مات وحاجات معاه ماعشتهاش صفارة تيجى تفوقك يلا فراق يلا فراق تنزل ومكسور الضلوع تلقى المحطة مشعللة بصفوف حبايب تسمعك وقلوب شباب شابت قوى تضحك فـ نفسك بالقوى وساعتها هانت بلوتك تنسى البعاد وبعد ايه مالقطر فات
حياتي اليوم صحيفة إلكترونية يومية
