حياتي اليوم صحيفة إلكترونية يومية
نفض هلاهيل الزمن م الخوف
من غير كسوف
لغبط وشوش كل البشر
فكر تشوف الممكنات
انك لمرة من زمن
تقبل بطولة فيلم كوميدى
هستيريا ضحك وصهللة
تلعن اهات كل الظروف
تحذف اسامى اتلونت
فكر تطوف بين الزهور
وان شوفت زهر..وشوشه..
واياك تشك
ان الشتا جاى بعده صيف
اضحك بجد
قوم شد روحك م العدم
وان جاك ألم
ادلق دوايات السواد
ارسم ايموشن مبتسم
مد ايدك زغزغك
هتلاقى دورك فالرواية
كأنه جد
دك كل الصعب دك
والمستحيل انك تعيد الاحساسات
ارميها براك ع الرفوف
احضن وشوف
فراشات حياتك كلها
هتلاقى كل الضلمة نور
ضي الحياة راح يلمحك
اياك تخاف
ده العمر واحد والنبى
والرب واحد، وسيدنا النبى
هوه اللى معصوم م الذنوب
صلى عليه الفين صلا
تفتح شرايين الامل
فكر تتوب م المحتمل
إوأد بواقى شواشي صدت من زمن
واتحدى مرة بعدها
انك تخاف
