حياتي اليوم صحيفة إلكترونية يومية
ولسه كل ما بحب أشوف بابا عايش قدامي ..
بيتكلم، بيضحك، بيهزر من قلبه،
لما تحكم عليه القافية ويرقع أفيه ملوش حل،
لما يفرح ويداري فرحته،
لما يتعصب ويشتم،
لما يزعل ويبقى مش طايق نفسه،
لما ياخدنا ف حضنه لما يرجع م السفر،
لما يصالحنا بعد علقة سخنة،
لما يجيلنا كل يوم بحاجة حلوة وهو راجع من الشغل،
لما بيحاول يبقى جد وميعرفش،
بتفرج على محمود عبد العزيز ..
وأقول الله يرحمك يا بابا..
دلوقتي بقول الله يرحمكم انتم الاتنين.
يارب تكونوا في الجنة.
