اضحك ضحكة صوتها عالى
تتكسر لحظة …سكوت
ارسم قمرة ف العلالى
بكرة يطلع منها صوت
اشترى ضي الشمس غالى
لاحسن ف الضلمة تموت
اكسر لحظة غدر بيك
واللى بيتعالى عليك
ابدا م يحس حد بيك
الا قلبك انت بس
واللى قالك انه ليك
باعك للى هيشتريك
ابدا ما يطبطب عليك
الا ايدك انت بس
ارسم ضحكة عالخدود
اعمل للدمعة سدود
متستناش حد يرجع
ابدا مش ممكن يعود
متعشمش يوم ف حد
اقفل باب الحزن دايما
اعمل بينك وبينه سد
ايه يفيد لحظة بكا
لما يضيع للود ود
الشاعرة أسماء فريد تكتب: اضحك..!
عدد المشاهدات = 2533